Ajira KKKT - Dayosisi ya Mashariki na Pwani, Tanzania

Friday, September 25, 2009

Ajira KKKT - Dayosisi ya Mashariki na Pwani, Tanzania

EVANGELICAL LUTHERAN CHURCH IN TANZANIA

(Kanisa la Kiinjili la Kilutheri Tanzania)

DAYOSISI YA MASHARIKI NA PWANI

(Eastern and Coastal Diocese)

Tel:.022-2125505, 2113246, Fax: 2125505

E-mail: elct-ecd@simbanet.net

Office of: Social Service Dept.

Our Ref: DMP/NKM: HJ/2009/3

Your Re: …………………………………..

P.O. Box 837

Dar es Salaam

Tanzania

25/09/2009

MKUU WA JIMBO/MCHUNGAJI/WAPENDWA KATIKA KRISTO,

Bwana Yesu Kristo Asifiwe,

YAH: TANGAZO LA NAFASI ZA AJIRA KATIKA DAYOSISI YETU.

Ninayo furaha kuwatangazia kuwa KKKT: DMP inazo nafasi nne (4) za ajira katika Idara yake ya Huduma za Jamii kama ifuatavyo:-

NAFASI 1.	AFISA UTABIBU “CLINICAL OFFICER”.
WAJIBU WAKE	Atawajibika kwa Mkurugenzi wa Afya wa Dayosisi.
KAZI/MAJUKUMU YAKE	Atasimamia na kuendeleza zahanati.
	Atatoa huduma ya kwanza kwa maradhi ya kinamama na watoto.
	Atashughulikia na kuratibu hatua za kinga na tiba
	Atachunguza na kushughulikia maradhi ya kawaida
	Atahakikisha huduma bora za utabibu zinatolewa vyema katika zahanati.
	Ataboresha mahusiano na wadau wa afya hasa serikali na taasisi zingine
	Atasimamia na kuratibu utoaji wa huduma za VVU/UKIMWI.
	Atatekeleza na kusimamia program za afya ya msingi.
	Atahakikisha miongozo na taratibu za kiafya za wizara zinafuatwa kikamilifu
	Na atashughuli zingine zitakazopangwa na Mkurugenzi wa Afya

SIFA ZINAZOTAKIWA	Awe na Diploma au zaidi katika masomo ya utabibu toka katika chuo kinachotambuliwa na serikali.

UZOEFU	Miaka mitatu au zaidi katika kazi hiyo
NGAZI YA MSHAHARA	Maelewano kwa kuzingatia taratibu na viwango vya Dayosisi.

NAFASI 2.	MRATIBU WA KITUO CHA UDIAKONIA.

UWAJIBIKAJI	Atawajibika kwa Naibu Katibu Mkuu pamoja na kwa Afisa Mkuu wa Huduma za Jamii wa Dayosisi.

KAZI /MAJUKUMU YAKE	Atakuwa ndiye mkuu wa kituo hivyo atahusika na shughuli zote za kiutawala za kituo ikiwemo shule na vitengo vingine.
	Atakuwa mwenyekiti wa menejimenti ya kituo.
	Atakuwa mwenyekiti wa kikao cha watumishi wote kituoni.
	Atakuwa Katibu wa Bodi ya Udiakonia
	Atawajibika kushirikiana na uongozi wa Idara kutafuta wafadhili.
	Atahusika kusimamia miongozo, será na maelekezo ya Dayosisi kituoni kwake.
	Atawajibika kupanga mipango na mikakati ya kimaendeleo ya kituo katika kuwasaidia watoto wenye ulemavu wa akili.
	Atahusika katika kuratibu ziara za kimafunzo, za wanaojitolea, n aza wageni wote watakaotembelea kituoni.
	Kwa kushirikiana na walimu kituoni hapo ataratibu ziara zote za kimafunzo za watoto pamoja na walimu na wafanyakazi wengine.
	Atakuwa kiunganishi katika ya wazazi wa watoto, viongozi wa serikali za mtaa katika eneo lao na Dayosisi katika kuwahudumia watoto wenye ulemavu wa akili.
	Atashirikiana na Chaplain wa kituo katika utoaji wa huduma za kiroho na pia kuandaa ziara za kutembelea sharika na mitaa.
	Atakuwa mjumbe katika kamati ya shule.

SIFA ZINAZOTAKIWA	Awe mwenye elimu ya Diploma ya juu au zaidi katika taaluma ya Ustawi wa jamii/sosholojia/maendeleo ya jamii/Elimu ya Ulemavu wa akili au viungo (OT) toka katika chuo kinachotambuliwa na serikali.
SIFA ZINAZOTAKIWA	Awe na ujuzi wa kutumia kompyuta ni muhimu.
UZOEFU	Awe mwenye uzoefu mkubwa wa uongozi wa miaka mitatu au zaidi.
	Awe mwenye uzoefu na masuala ya watoto wenye ulemavu atapewa kipaumbele.

NGAZI YA MSHAHARA	Maelewano kwa kuzingatia taratibu na viwango vya Dayosisi.

NAFASI 3.	MRATIBU WA HUDUMA ZA JAMII JIMBONI.

UWAJIBIKAJI	Atawajibika kwa Afisa Mkuu wa Huduma za jamii wa Dayosisi.
	Atawajibika kwa Afisa mipango, fedha na Utawala wa Jimbo.

KAZI/MAJUKUMU YAKE	Atapanga, kuratibu na kutekeleza mipango ya ustawi wa jamii jimboni
	Atabuni na kutekeleza miradi ya ustawi wa jamii na maendeleo.
	Atasimamia na kuratibu utoaji wa misaada na huduma za kiutu kwa jamii hasa watu wenye ulemavu, yatima, wajane, waliopatwa na majanga mbalimbali n.k.
	Atashirikiana na Mkuu wa jimbo na Afisa wa jimbo kubuni na kuanzisha fursa za kuwezesha na kuvijengea uwezo vikundi maalum kama wanawake, watoto, vijana, wazee katika miradi yao ya kuzalisha mali na kupambana na umaskini, ujinga na maradhi.
	Atabuni miradi ya kupambana na UKIMWI, Umaskini na Ujinga.
	Atahakikisha maazimio na será za DMP za utoaji huduma bora kwa jamii zinafuatwa na kutekelezwa ipasavyo.
	Atafanya kazi nyingine kadri atakavyopangiwa na wakuu wake wa kazi katika jimbo na Dayosisi.

SIFA ZINAZOTAKIWA	Awe mwenye Diploma au zaidi ya Ustawi wa jamii, Sosholojia, maendeleo ya jamii au inayofanana na hizo toka katika chuo kinachotambuliwa na serikali. .
SIFA ZINAZOTAKIWA	Awe na ujuzi wa Kutumia Kompyuta ni muhimu.

UZOEFU	AWE UZOEFU WA KAZI USIOPUNGUA MIAKA MITATU.

KIWANGO CHA MSHAHARA	Maelewano kwa kuzingatia taratibu na viwango vya Dayosisi.

NAFASI	“FIELD WORKER” -Mradi wa kutembelea watoto majumbani (HVP)
KAZI NA WAJIBU WAKE		Atahudumia watoto wenye Ulemavu wa akili.
		Atatembelea watoto wenye ulemavu wa akili majumbani
		Kushauriana na wazazi wenye watoto na kupanga mikakati na mbinu za kuwasaidia na kuwatunza watoto wenye ulemavu wa akili.
		Atashirikiana na Mratibu na Meneja wa mradi katika kuwatafuta na kuwafikia watoto wengi zaidi majumbani.
		Atashirikiana na maafisa ustawi wa jamii wa serikali, watendaji kata na viongozi wa serikali za mitaa katika kutekeleza vyema mradi huu.
SIFA ZINAZOTAKIWA		Awe mwenye Cheti cha Ustawi wa jamii/Sosholojia/maendeleo ya jami, Elimu ya Ulemavu wa akili/viungo (OT) au zinazofanana na hizo toka katika chuo kinachotambuliwa na serikali.
		Awe mwenye uzoefu wa kulea na kutunza watoto wenye ulemavu.
		Awe mwenye uwezo wa kuendesha pikipiki.
		Wanaume watapewa kipaumbele.
UZOEFU		Awe wenye uzoefu wa si chini ya mwaka mmoja katika utoaji wa huduma majumbani. Awe mwenye uzoefu wa kuhudumia watoto wenye ulemavu atapewa kipaumbele
NGAZI YA MSHAHARA		Maelewano kwa kuzingatia taratibu na viwango vya Dayosisi.

Hivyo KKKT: DMP inakaribisha barua za maombi ya ajira kwa watu wote wenye sifa zilizoonyeshwa hapo juu.

MAHITAJI MUHIMU KWA WAOMBAJI WOTE:

Barua ya maombi yako yaambatane na wasifu wako (CV) wenye wadhamini watatu na mawasiliano yao, picha ndogo (Passport size), Nakala ya vyeti halisi vya elimu na kuzaliwa,Nakala za mafunzo ya ziada na kompyuta, Barua ya utambulisho toka kwa mchungaji wa usharika wako

Uwezo na uzoefu wa kuongea, kuandika na kusoma lugha ya Kiswahili na kiingereza ni muhimu

Umri wa waombaji usizidi miaka 45.

Barua zote za maombi ziwe na nambari za simu.

Waombaji wenye sifa zaidi zinazotakiwa watapigiwa simu kwa ajili ya usaili utakaofanyika kabla ya tarehe 18/10/2009; HIVYO USISUMBUKE KUPIGA SIMU!